"Masunurin kasi si Miller at nakinig sa payo ko, hindi gaya mo na matigas ang ulo pero torpe naman," panunukso ni Kuya Declan kay Kuya Jared.
Nagtawanan sila pero hindi ako na nakikinig sa biruan nila. Akala ko pa naman kung anong importanteng meeting ang pinag-uusapan nila pero heto at ganito lang pala ang aabutan kong eksena.
"Anong itinuro mo kay Miller, Madrigal?" bigla ay sabat at tanong ni Kuya Alexander.
Interested rin akong malaman ang sagot ni Kuya Declan pero nagkibit-balikat lang siya at sinabing sekretong malupit raw nila iyon ni Dexon.
Natigil lang ang usapan nila ng may mahinang kumatatok sa pintuan at pagkatapos ay pumasok dala ang inumin at nilapag sa harap ko at saka mabilis na umalis matapos tanungin si Dexon kung may kailangan pa umano.
Pinagmamasdan ko ang dalawa,
