"P'wede naman sigurong ako ang pumunta d'yan, bessy," sabi ni Rosemarie kaya bigla akong nakaisip na papuntahin siya dito.
"Oo nga pala, teka, baka p'wede kitang ipasundo d'yan kasi ang alam ko, walang public transport dito sa Porbes tapos hirap rin sa taxi. Sandali, tatawagan ko muna si Dexon para masundo ka d'yan sa inyo."
Malakas na tili si Rosemarie ang sagot sa tanong ko. Alam ko namang excited siyang makarating dito sa bahay na sabi nga niya ay lugar ng mayayaman kaya talagang tuwang-tuwa siyang inimbitahan ko.
Noon ko pa sana siya pa pupuntahin sa bahay ni Tito Danish kaya lang hindi natuloy dahil nagkasakit siya. Kung bakit ba naman kasi uso ang dengue sa amin kay ilang buwan lang, madengue si Ninang Janina eh, si Rosemarie naman.
Hindi tuloy siya nakapunta sa libing ni mama at
