Lumalabas naman kami, pumupunta sa kung saan-saan. Nagda-date basta naisip niya at tinanong ulit ako ni Dexon kung gusto kong pumunta sa Korea or kahit sa alin sa bansa na mapipili ko, pero sabi ko lang na hindi pa ako handa sa ngayon dahil wala talaga sa isip ko ang umalis ng Pilipinas.
Hindi naman ako pinipilit ni Dexon lalo na nang sabihin ko sa kanya na huwag na niyang ulitin na dadalhin ako kahit saan ng tulog at gaya ng ginawa niya noong ikasal kami sa isla na nalaman ko na lang na narito na ako sa bahay niya sa Maynila.
Nangako naman sa akin si Dexon na hindi niya gagawin iyon ng wala akong pahintulot. Nagpaliwanag rin siya sa akin na ginawa niya iyon dahil kailangan na naming bumalik dito sa Maynila at may trabaho na siyang kailangan daw na harapin at hindi p'wedeng ipagpaliban n
