Unti-unti ay nasanay na ako kaya hindi na ako natatakot kapag ganito. Isang malalim na buntong-hininga na lang ang pinakawalan ko bago bumangon at pumasok sa banyo para maghilamos.
Bumaba na rin ako para magtimpla ng kape dahil kailangan ko ito. Kahit paano ay sanay na ako at kahit mag-isa lang akong gising ng ganitong oras ay ayos lang.
Mabilis na nag-init ako ng tubig at nagtimpla ng kape. Sa ganitong oras kasi ay siguradong tulog na ang lahat kaya nagpaturo ako kay Cynthia paano gumamit ng mga high-tech na gamit dito sa kusina kaya ko ng gawin ang ganito nang hindi na sila inaabala.
"Why are you still awake?" Baritono ang tinig na tanong ng boses na alam kong kilala ko kung sino.
Pakiramdam ko nanlamig bigla ang katawan ko dahil sa narito pala siya sa paligid ko at gaya ko ay gisin
