Pinili ko ang pumikit at nagkunwaring hindi siya narinig. Hindi rin kasi maganda ang pakiramdam ko dahil ang bigat ng ulo ko. Pumipintig rin ang ugat sa sintido at masakit ang buong katawan ko.
Ngayon ko mas lalong napatunayan ang panloloko ni Dexon sa akin. Bukod sa mga patak ng dugong nakita ko kagabi sa kobre kama ay hindi maitatanggi ang makirot na kalamnan ko sa tuwing gagalaw ako dahilan kaya halos mapugto ang hininga ko.
Dahil masama ang pakiramdam at iniwasan kong kausapin si Dexon ay pinilit kong makatulog. Mataas na ang sikat ng araw ng magising ako tapos nakaramdam na rin ako ng matinding hilo.
Mukhang, nalipasan na ako ng gutom o dahil na rin sa nababad ako sa malamig na tubig kagabi, tapos sa nangyari pa sa amin ni Dexon, kaya mukhang hindi maganda ang pakiramdam ko ngay
