وحدى دائما

16

عمر و جاسم ردو من الجامعه ولقوا باقه كبيرررررررره عند شقة عمر ..

جاسم : منو مطرشها؟

عمر : شنو هي؟

جاسم : ورد مطرشين

عمر : شدراني دخله ..

دخلوه وقرو الكرت ..

جاسم : عمور هذا واحد كاتب اسمه "منصور" وقال انه انطرك من الصبح ومالقاك

عمر : يحليييييييييييييييييله ، الله يذكره بالخيييييييير

جاسم : من وين تعرفه

عمر عد عليه السالفه ...

غلا طلعت من المستشفى وردت بيتها ..

ماتبي تقعد فالبيت العود ..

لان تدري حالتها النفسيه بتتدمررررر اكثر

دخلت البيت وخالد مزين البيت كللللللله بشكل عجييييييييييب

البيت كله وررد عناابي

كان طالع شي يعجزززز عن التعبير

الورد ناثرينه على الارض وورد على الطاولات الكراسي

وخيوط من السقف فيها ورد ..

و الدار اللي كان قاعد فيها عمر عدلوها عشان غلا تقعد فيها ..

وسووها كلها اثاث ابيض وعنابي

والورد على االارض والسرير والطاوله وكل مكان

البيت ريحته ورد ،، ترد الرووووووح ..

غلا : رووووووووووووووعه خالد (تحط سعد على السرير) صج صج تسلممممممم يدك

خالد : افا علييييييييج كم غلا عندي انا؟؟؟

غلا : حياااااااتي انت والله ،، الله يخلييييييك لي

خالد : ويخلييييج لي انتي وهالسنافر

غلا ماتت ظحك : ههههههههههههههههه عيالي سناااااااافر

خالد : بدينا بالتفرقه ، عيالي بعد

غلا : هههههه ماقلنا شي بس مب سنافر

خالد ينرفزها وهي شايلتهم يمسكم وتطق يده

خالد : امبلا سنافر ، خشومهم نفسهم ،

غلا : خاللللللللللللللللد عاااد

خالد يقلدها : خالد عاد

غلا : خالـــد

خالد : روح خالد

غلا : خلك جذي على طول لا اطلعك بره الغرفه

خالد : اي اي طلعيني

غلا : هههههههههههه

غلا شافتهم نزلو اسرة اليهال تحت حطتهم ووطت على التكييف

بدلت ملابسها ولبست فستان قصير للبيت خفيــــــف

وردي ومحدد بالاسود ..

لمت نص شعرها على خفييف ..

طلعت لخالد لقته صاعد الدار ونزل مبدل

لبس جلابية بيت سودا

غلا قعدت على السوفا وهي مجتفه يدها ..

خالد : ههههههه (يقعد حذاها) ، شفيج عمري بتسمعين القصيده؟

غلا تظربه : هههههههههههههههههههه لا والله

خالد : ههههههههههههه فديتج والله هههههههههههه زعوله صايره

غلا : لا والله

خالد : اييه شيرت المدام

غلا : خاااااااااااالد

خالد يطالعها بنظرات مارد عليها ..

غلا سكتت

بعد شوي ......

غلا : خالـد ،، شرايك ارد اكمل رداستي ؟؟

خالد : والعيال؟

غلا : شفيهم ؟؟

خالد : من يتم معاهم ؟

غلا : اخذ محاضراتي بالليل ، او اخذهم الصبح والعيال عند امك

خالد : براحتـج ، بتقدرين .؟ دراسه ! يهال! وبيت ؟؟

غلا : الله اعلم باجر شيصير وانا ماعندي الا ثنويه

خالد : اللي تبينه ..

غلا : والله مادري انا بشوف مب اكيد ، انا الحين بلهى معاهم بس قلت شهاده احسن من ولاشي ... !

خالد : عمري انتي موناقصج شي شتبين بالشغل

غلا : مابي اشتغل بس شهاده ، انا ماظمن باجر شيصير ؟؟

خالد سكت : براحتج حبيبتي ..

سعد الصغيير كان يصيح وغلا انتبهت و انقزت ..

شالته وقعدت تهزه وهي شايلته ..

تمسح على راسها وتتبسم لين سكت ورد ناام ..

.*.*.*.*.*.*.*.*.*.*.*.*.*.*.*.*.*.*.*.*.*.

عمر كان قاعد بالكافيه مع ربعه كلهم ..

يسولفون و يظحكون وصوتهم حاشر المكااااان ..

قعدوا ربعهم يسولفون ويهذرون وعمر راسه صدع

يصاصر جاسم : جسوم برد الشقه

جاسم : وانا بعد زين قلتها

عمر : احسنننننن

جاسم : يلا شباب احنا نستأذن

محمد : وييييين ؟ وين تو العررررررررب

جاسم : لا ماعليه تعبانين شوي ، نشوفكم على خير

الشباب : الله ويااااااااااااااكم

طلعوا وتمشوا شوي فالمجمع شروا لهم هدايا واشيا لهم وطلعوا ..

خذوا تا**ي ..

فالطريج ..

عمر : تصدق جسوم !!

جاسم : شنو حبيبي؟؟؟

عمر : احس اني مغمض وبعد شوي بفتح لين الحين ماتعودت على الوضع

جاسم سكت ماعرف شيقول ..

عمر : يلا تعبت ماوصلنا

جاسم : قررررررررربنا ..

وصلوواا ونزل جاسم حاسب التا**ي

وفتح الباب نزل عمر ..

مشوا وجاسم رفع عينه

جاسم : اولـه ،،، عموووووور ..

عمر : شنو لاتخرعني

جاسم : ريما و غاليه ينطرووونا عند الباب

عمر : ولييييييين هذي ناويه على خرابها

جاسم : لا شكلهم مادري ، مايوحي انهم يعورون القلب

عمر : ليييييييييييييييييييش؟؟؟؟؟

~®§§][][ الفصـل الثالـث ][][§§®~

جاسم مشى وهو ماسك عمر ولا جنه في 2 على يمينه ..

مشى بس ماقدر مايشوف غاليـه

طالعها وشافها تبتسم له .. !!

استغرب ؟!؟!؟!

اووووووووول مررررررررره!!!!!!!!!!!

جاسم مشى بسرعه

عمر : اففف شفيك شوي شوي علييييي يالجلب

جاسم : خلصني ادخل ..

دخلوا اللفت وسكروه ..

عمر : شفيك انت ؟؟

جاسم : غاليه غااااااااليه ،، تظحك لييييييي اناا تبتسم

عمر : اكيد تظحك عليك

جاسم : لا والله عمور تتبسم لي ماشفتها انت

عمر نزل راسه : ادري ماشفتها من وين بشوفها بالله !!

جاسم : عمووووور والله مب قصدي عاد خلني مستانس ..

انفتح اللفت : يلا حبيبي وصلنا

وصلوا ودخلوا الشقه ..

قعدوا وجاسم جاب له كولا فتحها ويشربها ويفكر ..

جاسم : عمور احسهم ناوين على شي !!

عمر : شي مثل شنو

جاسم : شدراني ، احس فمخهم شي ولا هالريمااا من عيووووووونها مبين

عمر : هاهاااي ماتقدر حبيبـي شبتسوي يعني؟؟

جاسم : ماااااادري خلها للأيام ..

عمر : فاضي ، فكر بشي ثاني ابرك لك ..

ودخل عمر يناام

وجاسم يفكر لين خذه النوم وغفى على الكرسـي ..

.* اليوم الثاني *.

جاسم سمع صوت عمر قايم ..

(( جاسم من بعد اللي صار لعمـر نقل سكنه لعنده عشان مايتم بروحه ))

المهم ..

انزعج جاسم من الصوت وقطع عليه نومته

وقام وهو متنرفزز

جاسم : عمووووووور

عمر : هاااااااه

جاسم شوي وبيصيح : افففففففففففف يوعااااااان ابي اتريق

عمر : يالله صباح خيييير توك قايم

جاسم : اوهوووووووو والقايم شيسوي ماياااااااااااااكل ؟؟؟؟؟

عمر متبلد الاحساس : امم خلاص عيل تسبح وبعدها نروح نريقك ..

جاسم : افففففففففففففففففف صج ماتحس

قعد عمر على الكرسي وجاسم راح فتح الثلاجه وطلع له اشيا ياكلها ..

قعد ياكل وهو واقف ..

يطالع عمر ويسررررررررح فيـه ..

جاسم ( يالله من كان يتوقع عمير بيصير فيه جذي؟؟ )

عمر : خلصناااااا جسوم

جاسم : انزيييين

دخل جاسم بدل وطلع عشان ينزلون ..

فـدار ريمـا ..

ريما كانت قاعده تلبس و غاليه تكمل مكياجها ..

ريما : سمعي غاليوه مثل ماوصيتج خليه يموووووووت فيـج لا يرفض لج طلب

غاليه وهي تحط المسكرا : انتي صبري انا ماكلمته لين الحيين خليني شوي شوي عليه

ريما : شوي شوي ولا وايد وايد مالي خص ابي قلبه يحترق مثل ماحرق لي قلبي ..

غاليه : افااا علييييييج بنت عمج عند ويهـج ..

ض*بوا كف بكف : ههههههههههههههههههههههههههه

ريما طلت من العين السحريه وشهقت : غلووووووووووووي خلصصصصصصصصصصي كاهم طلعوا

ريما قطت المسكرا من يدها وبسرعه لفت شيلتها وخذت شنطتها وطلعت ..

طلعت ريما قبلها وهي وقفت اونها تسكر الباب ..

ريما : هااي شباب

جاسم : وعليكم السلاام ..

ريما : شلونكم ؟

جاسم : حمدلله طيبين

جات غاليه وهي تمشي بشوووووي شوي .

كانت كاااشخه لابسه بنطلون ابيض وعليه قميص شكل البنجابي لونه فوووشي و ريحة العطر تهف من اول الممر ..

جاسم شم الريحه ورفع عينه ،،، ابتسم ابتسامه عرررررررررررريضه يوم شافها ..

ريما وهي تبتسم بنعمومه : صبااح الخير

جاسم : هلاا والله ، صبااح النوووووور

عمر يدوس على ريله ..

عمر : ممكن نمشي ؟؟

غاليه : يصير نروح الجامعه وياكم ؟؟ اليوم ماعندنا حد يوصلنا

جاسم (هااه نوصلكم؟؟ )

عمر : شلون نوصلكم ؟؟

غاليه : نمشي لين الجامعه احنا نعرف طريق قريب لها

جاسم : اييييي اوكيييييي

عمر : جسوم اثقل

جاسم يصاصره : تكفى بددددددددي عييييييييييييييييييش

عمر : الله ياااااااااااااااااخذك

قعدوا يتمشون وعمر ماسك فجاسم وحذا جاسم غاليه

وريما خخخخخخخخ مقطوووطه وراا لووول ..

غاليه كانت شايلها كتبها فيدها وجاسم رقبته ان**رت طول الوقت يطالعها ..

حلوووووووووه

جاسم : هذيج اختج؟؟

غاليه بدلع : لاا بنت عمـي .

جاسم : اهااا

غاليه : ليش احلى منيي !

جاسم ظحك عليها : اههههههههه لا شدخل (انتبه على نفسه ،، شفيني لازم اخلي كلامي رومنسي)

لااا من قال ،، انتي احلى

غاليه تتصنع الخجل و تنزل عينها بالارض ..

وطول الوقت ساكتين ويطالعون بعض ..

وريما وراهم و لا حد يدري عنهاااااااا ...

وصلوا للجامعه

عمر قال حق جاسم يوديه القاعه عشان يراجع مع مدرسته ..

و هو باقي عن امتحانه نص ساعه

ولا اهتم لاي شي لا يدرس ولا شي ..

قاعد هو و غاليه على طاوله فالكافتييريا

يسولفون لبعض انفسهم وحياتهم ..

غاليه : جاااسم

جاسم : هلا ابووووي

غاليه : بدى الامتحان لازم ندخل

جاسم : ليييييِش؟؟ شوي بعد

غاليه : مايصير جاسم لازم ندخل ولا بيرروح علينا الـExam

جاسم : زين

غاليه اونها بتراضيه : خلاص اعطيك رقمي؟؟؟

جاسم فتح عينه : شنو؟

غاليه : عشان تكلمني وكل يوم نطلع للجامعه مع بعض

جاسم : كيفج

غاليه ماجذبت خبر طلعت ورقه صغيره لونها احمممر عليها قلوب و معطره ..

كتب رقمها وطوت الورقه وحطتها فيده ومسكته !!!!!!!!!!!!!!!!!!!!!!!!!!

جاسم مات فمكانه

مستغرب من جرأتها

ومستغرب شلون يحبها ؟؟؟؟؟؟؟؟

دخل وقعد فاول كرسي قريب له ..

عمر كان يراجع وبدى امتحانه

كانت امتحاناته شفهيه ..

خلص وقالت له المدرسه بتطلعه بس استحى قال بينطر رفيجه لين يجيه .. ...

.* فـ الدوحـــــــــــــــــــــــــه *.

غلا كانت تلبس فيصل البجامه بعد ماسبحوه هي و خالد وعشان ينام ..

وخالد منسدح على ظهره على السرير وحاط سعد فووقه ..

خالد : غلااااااااااااااا

غلا وهي تلبس فصـــيل : ها حبيبي ؟؟

خالد : احببج

غلا تسدح فيصل بسريره ..

وتروح تقعد عند خالد : وااانا بعد

خالد : مستحيل في 2 يحبون بعض يكونون مثلي ، مستحيل حد يحب حبيبه كثري ، مستحييييييييييييل

غلا وقفت ومشت عنه كانت لابسه فستان لين الركبه تايجر وعليه ورود ورديه ..

عدلت شعرها بيدها تبي تقهر خالد

خالد يطالعها ويظحك لها بخبث : شعندهاااا ام فصيل

غلا : ماعندي الا احبك

خالد : آآآآآآآآآآخ ياقلبي (يعدل قعدته وهو شايل ولده) تسمع ياسّعوووووود ابوك بيموووت

غلا : لاتقوول جذي بسم الله علييييييك

خالد يحط ولده على السرير ويغني ..

ياليت من كبرك ياسَّــعود

ساهي من الشده والامحان

يادقة قلبي دقة العود

لي دقه اللي يعزف الحال

غلا : ياسلام ياسلام تغني عليه وانااا ؟

خالد : يلا اشتغلت الغييييييره

غلا : هههههههههههههههههههههههههه

خالد يرجع سعد عليه لانه بدى يصيييح ..

سكت شووي ..

خالد : غــلا ؟

غلا : هلا؟

خالد : معورني قلبي على عمير

غلا تقعد حذاه : ليش

خالد : مادري هاليومين وايد صرت افكر فيه

غلا تمسح على راس خالد : حبيبي احنا شنسوي هاي شي الله كاتبه لو نموت ماتغير

خالد : صح كلامج ..

غلا : انتوا ماعرفتوا من شنو؟؟

خالد انربط ل**نه ماتوقعها ماتدري من شنو ،، وحتى لوبيقول عيب يقول : ها ،، لا

غلا : مايستاهل ولد عمي والله

خالد : اييه ، الله كريم ، شرايج غلا نروح له هالاسبوع

غلا : لا خالد ماقدر

خالد : لييش؟

غلا: فيصل وسعد وين اخليهم؟؟

خالد : الخدامات هني او عند امي نخليهم لين نرد ..

غلا : اسمح لي مابي الخدامات يربون عيالي

خالد : يااااااشيخه ، لماذا ؟

غلا : من صجي خالد اتكلم

خالد : انزين انزين ليش ماتبين؟

غلا : مابي ، عيالي انا مب عيالهم ، ليش يربونهم ؟ بربيهم بكيفي بطريقتي انا ... وانت

خالد ابتسم : صـج !

غلا ماتت منه ونزلت راسها : خاااااااااااااااالد

خالد : هههههههههههههه احببببببج والله احبج

غلا لفت تظحك له ولفت طلعت من الدار وردت ..

غلا : ناااااااااااام !!!!

خالد تخرع :أي ؟

غلا : اشووى ريحتني

خالد : اوف خرعتيني

غلا : ههههههههه ليش؟

خالد : تخرعييييني دايمآ يمممه وخري عنييييي

غلا تظربه : ويييي هههههههههههههههههه

يرن التليفون

رد خالد : أهلييين يمه ، أي حذاي ؟؟؟ شتبين فيها؟؟ مردي بعرف

يكلم غلا : عمررررري، حيااتي روووحي ، تلوفي تبيج

غلا : ههههههه ، عطني

خذت السماعه وقعدت على الكرسي ..

غلا : اهلييين خالتي ..

لطيفه: هلا جنتي

غلا استغربت اول مره تقول لها جنتي ..

لطيفه :شخبارج؟

غلا : حمدلله طيبه

لطيفه : ولدي وعياله ؟؟

غلا بكل برود :هههه عياالنا ، طيبييين الله يخليهم

لطيفه : لااا ، وليش ماجبتوهم

غلا : ههه يخاف عليهم ابوهم

لطيفه : عشتووووووووو

غلا : ههههههههههههههههه

لطيفه : باجر تعالو لان عمج مسوي عزيمه

غلا تذكرت عمها سعد وسكتت

لطيفه : وينج انتي؟

غلا : هلا كاني

خالد التفت عليها لان نبرة صوتها تغيرت

خالد يأشر لها : شنوو؟؟ شقالت؟

غلا تهز راسها على انه لا ..

غلا: بااجر؟ انشالله بنجي

خالد يجر السماعه : لاااااااااا باجر مب فاظين كلش يمه

غلا استغربت : ليش شعندنا

خالد يحط يده على حلج غلا غلا فتحت عيونها وهي ماسكه يده بتشيلها

خالد : انشالله مره ثانيه ، حاولي مره اخرى اميي ، مع السلامه

غلا : وووووه ، ذ*حتني خالد شفيك

خالد : بس باجر ماكووووووو طلعه و عيالج طرشيهم بره ،، Delivery

غلا : ييييييه شتبي خالد

خالد : بس على كيفيييييي

غلا : يصير خير انشالله ، انا عمتي من قبل لا اربي تبيني اروح معاها السوووق

خالد : ياااااااربي سوق سوق سوق ، شهالسوق شلاقين فالسووووووق

غلا : هههههههه مالقينا شي عشان جذي ندور هههههههه

خالد : و متى بتردين ؟؟

غلا : لا تطمن بنروح وبنرد وانت لين الحين فالدوام ..

خالد : شوفي غلوي كلام يوصلج ويتعدااج باجر خميس ان شردتي ولا رحتي

يقلدها السوق مع عمتي وااي بيت ابوي بروح مشتاقه مادري شنو ،، هاااااااااا تحمممممممممممممملي

غلا : هههههههههههههه ليش شمعنى يعني

خالد : اخت غلا

غلا وهي فيها الظحكه : نعم اخوي خالد ؟؟

خالد : نفذي اللي ينقال بدون اسئله ممكن ؟

غلا : ههههههه (تدزه) بعد بدون اسئله هاا

خالد : والله العظيم هلكتيني من اليوم سؤؤال يجر سؤال بس بس اوش

لطيفه راحت لليده ..

تسولف معاها وبالمره قالت ا**بها بصفي..

لطيفه : شفتي يمه شفتي بنت ولدج ماسكه ولدي عني وعياله لانشوفهم ولا ندري عنهم

اليده : البنيه ماسوت شي يالطوف ماقصرو كل اسبوع عندنا لاتشببين الضووو

لطيفه : يما انا ماقلت شي اقول الصج

اليده نادت خدامتها توديها الحووووووش ..

لطيفه تكلم روحها : هاي اللي شاطره فيها روحي ياشيخه ..

عمر كان لين الحين ينتظر بالقاعه ..

الشيخ جاسم نسى كل شييييييييييييييييييييييييي

وراح هو وغاليه لكافيه ..

تموا فيه يمكن ساعتين ونص وعمر لين الحين بالجامعه ..

جاسم كان يسولف لها ..

غاليه تظحك له بدلع : هههههههههههههههههه ،، صج !

جاسم : والله العظييييييم انقلبنا من فوق

غاليه : يحليييييله عمر

جاسم كفخ جبيييييينه : اوووووووووووووووووووووووووووووووووووووف عمر