ISANG malalim na buntong-hininga ang pinakawalan ko bago bumaba ng sasakyan. Napatingala pa ako sa taas ng building na pag-aari ng asawa ko.
Bitbit ang lunch box ng pumasok ako sa loob ng building. Mabuti na lang napakiusapan ko ang receptionist na huwag banggitin sa asawa ko na naroon ako.
Balak ko siyang surpresahin. Sa kabila nang trato nito sa akin, gusto ko pa rin iparamdam sa kanya kung gaano ko siya kamahal. Gagawin ko pa rin kung anong makakabuti sa relasyon naming dalawa.
Umaasa ako na isang araw, maglalaho rin ang galit nito sa akin kung mayroon man. Naniniwala akong kung mahal niya ako, 'di rin ako nito matitiis ng matagal at hindi nito matatanggihan ang pagmamahal na ipinaparamdam ko sa kanya.
Gusto kong ipakita sa kanya na sa kabila na ganito ang trato niya sa akin, nand
