جحيم الجن

البارت الثاني

البارت الثاني

*البارت الثاني

* صحيت الصبح وانا جسمى م**ر ومش قادر اقوم و دماغى فيها فرقة حسب الله من الصداع طبعا لازم اصدع اذا كانو اهل البيت كان عندهم فرح امبارح بالليل المهم قومت فطرت انا وابويا وامى واطمنت عليهم وطلعت على شغلى بس ربنا ما اردش بي يوميات فا منزلتش خرجت ازور واحد صحبى كان عامل حادثة بالموتوسيكل بتاعه ولازم اسأل عليه اخدت زبارة وروحتله على المستشفى سألت تحت فى الريسبشن ودلوانى على الغرفة بتاعته لقيت اهل الراجل الى خبطه واقفين برا مع اهل صاحبى وبيتخانقوا دخلت بينهم وحاولت احجز ما بينهم لكن مفيش فايدة الطرفين ماسكين فى بعض ومش عايزين يتنازلوا بعدين تليفونى رن طلعته عشان اشوف مين لقيتها امى استغربت وخوفت ليكون حد جراله حاجه بسرعة فتحت اقرب باب ودخلت فتحت الفون على طول ورديت على ولدتى

الو ايوه يا اما خير

* ايوه يا ابنى فينك انا برن من الصبح

* معلش يا اما رحت ازور واحد صاحبى عامل حادثه خير يا اما حصل حاجه حد جراله حاجه

* لا يا ولدى ربنا يرفع عنا البلاء بس كنت عايزاك ترجع انهارده بدرى عشان تروح لبنت اختك اتصلو بيا سلايف المرحومة وبيقولو ان فرح بنت اختك مقطعه روحها عياط عشان ابوها سافر وعايزينك ترجع تقعد معاها شوية وتهديها

* حاضر يا اما عينيه هخلص وارجع على طول تأمرى بى اى حاجه تانيه مش عايزين حاجه اجيبها وانا جاى

* لا يا ولدى خيرك زايد مع سلامه

* سلام

خلصت المكالمة وقفلت الفون ده انا كنت ناسى فرح بنت اختى خالص رغم ان ابوها الشيخ عباس موصينى عليها ياربى اكيد زعل منى دلوقتى يلا اروح لها انهارده على الغداء لما اروح خلصت تفكير وشيلت الفون من جيبى ولفيت اشوف نفسى فين واتخضيت وقلبى وقف من الرعب فجاءه

..... . . . .

* يلا يا اخويا اقعد كده على حيلك عشان تاخد علاجك

* اااااه هو انا عاد فيا حيل هاتى الدواء يا ترى ده الدواء الكام يارب اجعله فى ميزان حسناتى يارب

* يارب يا ابو محمد يا رب

* بقولك ايه هو احمد ما اتصلش يشوف بنت اخته دى الى قربت تموت نفسها من العياط

* انا اتصلت بيه يا حاج وبلغته يروح لها

لسه بنتكلم وفجأة سمعنا صوت خبط قووى برا فى المطبخ

طلعت اجرى لقيت عواطف مرات ابنى محمد الكبير ايدها ملسوعة جريت عليها

مالك يا بنتى مش تاخدى بالك

* الحلة دى كان فيها ايه

* الحلة دى !! دى حتى ساقعة

* ايوه يعنى كان فيها ايه

* سخنت فيها مياه انهارده الصبح عشان عمك يتوضأ فيها بس هو قراء عليها قرأن بنية الشفاء ودفع البلاء عننا

* هو عمى مش فاضى طول اليوم غير يقرأ على الحاجه وخلاص طيب خير وبعد ما قرأ عليها حصل ايه قام وقف على رجليه وبقى يمشى تانى ما لسه زى ما هو بيحتاج حد يشيله يوديه الحمام ما فيش حاجه اتغيرت ايه

* جرا ايه يا بنتى انت بتتعصبى عليا وتتنرفزى ليه هو يعنى عمل ايه ما انتيش شايفه الحال الى احنا فيه مستخسرة فينا اننا حتى نذكر ربنا ربنا يهد*كى يا بنتى رجعت تانى لابو محمد اقعد جنبه فى الاوضه بتاعته

* جرا ايه يا ام محمد حصل ايه

* محصلش حاجه يا حج دى عواطف اتلسعت فى حلة من على النار وحطت عليها معجون خلاص

* يا ستير مش تاخد بالها طيب ... عارفه والله صعبان عليا بنات الناس الى جبناهم واتبهدلو معانا دول

* يلا ربنا يجازى الى كان السبب ربنا يرفع عنا البلاء يارب

..... . . .

*للحظه حسيت ان قلبي واقف من المنظر اللي انا شايفه قصادي ده ايه ده بلعت ريقي ورميت السلام السلام عليكم ورحمه الله وبركاته معلش كنت باتكلم في التليفون وما اخذتش بالي انا دخلت فين اصل انت شفت الخناقه اللي بره كانت عامله ازاي

*بصت علي ايوه اخذت بالي من الخنقه اللي بره بس هيفضت وتقدر تخرج دلوقتي ولا انت عايز تبات معنا هنا في المشرحه

*لا اعوذ بالله انا ايه اللي بيتني في المشرحه انا ما اقصدش اساءه يعني اقصد اني باخاف من الحاجات دي بس انت واقفه هنا لوحدك ازاي هو مش انت برده الممرضه انا شايفك لابسه لبس التمريض

*التكليف بتاعي جاء في المشرحه اشتغل واجمع فلوس ولا اقعد في بيتنا عشان بخاف من المشرحه والجثث وبعدين ده يهمك في ايه ما تخليك في حالك

*انا اسف والله ما اقصدش طيب استاذن انا واسف على دخولي كده من غير استئذان مره ثانيه

*اتفضل وبعد كده ابقى خذ بالك رجلك بالدب فين علشان ما تجيبش المشاكل لروحك

*خرجت وحقيقي كلامها كان غريب قوي يا لولا انها لابسه لبس التمريض والقصه تحت ايديها كنت فكرت انها شبح من الاشباح اللي موجوده في المشرحه قال يعني انا ناقص اشباح وعفاريت مش كفايه اللي في ولا كفايه اللي متلبسنا طول الوقت ده في بيتنا ومش عارفين نخلع منهم يلا الحمد لله كل واحد مغصوب على اكل عيشه هنعمل ايه خرجت وكنت واخد باضي وماشي بس افتكرت صاحبي اللي انا اصلا رايح على شانه المستشفى ومع ذلك ما زرتوش وما سلمتش عليه لسه لفيت ورجعت له سلمته عليه واتحملت له بالسلامه وفجاه دخلت علينا ثاني الممرضه اياها دخلت ركبت محلول من غير لا سلام ولا كلام مجهزت الحقنه وديتها له وخرجت استغربت جدا منها واذا تقريبا كمان خفت ايه ده اول مره اشوف ست قلبها جامد قوي بالشكل ده تقريبا انا لو لاقي واحده زيها كانت كل مشاكلي اتحلت سلمت على صاحب يستاذنت منه واخذت بعض وخرجت علشان اشوف بنت اختي اللي عامله في البيت علشان ما حدش مننا موجود جنبها هي يا عيني من ساعه اللي حصل لها ما بتستريحش الا لو انا او ابوها موجودين حواليها بس ما بترضاش باي حاجه ثاني خرجت من باب المستشفى لقيتها هي كمان خارجه يا سبحان الله على الصدف النهارده مش عارف الصراحه بوش مين بس تفاجئت بشكلها اكثر واكثر كانت لابسه فستان طويل لونه اصفر عسلي وخمار منقوش اصفر بعسلي بابيض اول مره اخذ بالي انها حلوه وجميله كده حلوه حلاوه ما تتوصفش بصراحه وازاي تستغربي اكثر لما لقيتها قربت على العربيه وفاه طلعت المفاتيح وفتحت الباب وركبتها ومشيت ما شاء الله اول مره اعرف ان شغلانه التمريض بتفيد كده وتخليهم معهم فلوس قوي كده انا اعرف من زمان ان الممرضات بي**بوا بس كان اخر حدي ان اعرف انهم كمان من فلوسهم بيقدروا يشتروا عربيه يلا ربنا يزيد ويبارك ويرزقنا زيهم يا رب رجعت البيت سلمت على امي وابوي وطمنت انهم يتغدوا واخذوا دواءهم وخرجت لقيت مراته واخواتي في المطبخ طبعا مش باتكلم معهم ولا هم اصلا بيرضوا يتكلموا معنا ما اعرفش ليه واخذين جنب مننا كل واحده فيهم بتنزل تعمل اكلها لنفسها وجوزها واولادها وتاخذوا وتركب ما فيش واحده فيهم بتفكر في ابويا وامي تغسل لهم هدومهم ولد جهز لهم لقمتهم فباطر انا اغسل لهم هدومهم واضبط لهم اكلهم واكد لهم على علاجهم وامي ربنا يديها الصحه بتحاول تساعد معي على قد ما تقدر علشان هي كمان تعبانه جدا ودينا بنحاول نعيم بعض على العيشه دي وده اللي مخليني مش قادر اعرف فين الاعمال اللي قالت عليها الشيوخ مدفون في بيتنا لو كنت قاعد في البيت 24 ساعه مثلا كنت اكيد عرفت مكان الاعمال دي فين بس كنت خايف كمان الاحسن اتجوز واحده واجيبها تقعد في البيت وتقرا لها حاجه وتموت كفايه اللي حاصل لاختي الله يرحمها والبنتها لحد دلوقتي والاخوي الصغير اللي توفى قبل ما يفرح بي شهادته ولا احنا نفرح به علشان كده اخذت وعد على نفسي اني مش هتجوز دلوقتي ابدا الا لما احاول اشيل كل اللي في بيتنا ده واضمن ان حياتنا بقيت بعيد عن الجنه للابد خرجت رحت لفرح على شان اغديها ودخلت وفعلا اللي حسبته لقيته لقيتها مقطعه نفسها من العياط ما اكلتش اي حاجه وما اخذتش دواها وشها اصفر وعينيها محمره وقالت عليها بسرعه وفضلت فيها وابوس في ايديها علشان تهدى وشلتها وزنها خفيف جدا اخذتها خرجت بيها اشتريت لها اكل من بره ولا شفتها وقعدتها على الكورنيش علشان ابسطها شويه واتفقت معها ان انا مش هتاخر عنها ابدا بس هي كمان تحاول تسمع الكلام وتقعد وتاكل وما تخليش احد يزعل منها وانا هاجي لها كل يوم باستمرار لحد ما والدها يرجع الحمد لله سمعت الكلام رجعنا بالليل دخلتها الاوضه بتاعتها ونيمتها وقعدت جنبها صعبانه علي قوي طفله عمرها خمس سنين مش قادره توقف على رجليها وتعتمد بدريمن ساعه ما كنا في بيتنا القديم والدتها كانت جايه لنا زياره وقالت انها هتروح تنظف في البيت والدور الارضي لامي وابويا علشان مش بتقدر امي تنظف وتميل من ظهرها وفجاه طلعت تصرخ تصرخ وتصوت من غير الطرحه بتاعتها او حتى شعرها كان واقف اول مره اشوف اختي اساسا قاعده في البيت من غير حاجه جريت عليها وحاولت اهديها بس ما كانش في فايده كانت بتصرخ زي اللي مولعه فيها نار بالعافيه يهديناها وقارن عليها قران راحت نامت وصحيت فضلت تصوت ثاني احترنا بيها نلف الشيوخ والائمه ومش عارفين نلاقي لها حل لحد ما بعدين ندى قالت لي راحت علشان اشوفها عايزه ايه وقتها وصتني باخر حاجه قالتها في حياتها

*اسمع يا احمد يا ابن امي وابويا انا خلاص ما بقاش في العمر بقيه انا عارفه انهم مش هيسيبوني هم قالوا لي انهم هيموتوني يعني هيموتوني وقالوا لي ميعادنا النهارده خلاص ما فيش مفر ولا اقدر اخلص منهم وانا مش عايزه منك يا اخوي غير حاجه واحده بس تاخذ بالك من بنتي وتوعدني انك في يوم من الايام هتقدر تخلصهم من كل اللي بيحصل لاني اي حد هيدخل بيتنا حينضر زينا وعايزه اقول لك كمان ان ل**ني مربوط ومش قادره اقول لك على اللي عمل كده يبقى وكمان مش عارفه اخرتها هتبقى ايه سيبها سيبني دلوقتي وافتكر كلامي وخلي بالك من بنتي امانه في رقبتك العمر كله

*يومها اختي توفت بعد صراع كبير كانت من اول يوم ما اتخضيت فيه جسمها بيورم يورم بزياده بيتعفن ونبقى مش عارفين ايه السبب وكل علاج كنا نجيبه لها كان بيزيد الطين بالله ما كانش بينفع معاها بالع** كان بيحرقها وبتتورم بزياده وكاننا بنرش لها ملح على جروحها لحد ما بدات بشرتها تتجرح وتتكرح ويخرج منها دود كلنا كنا مستغربين حتى الدكاتره كانت مستغربه بس ما كناش لاقين لها حل يومها فرقتنا اختي وسابت لنا فرح كان عمرها ثلاث سنين كنا بنربيها عندنا علشان احنا نهتم بيها بما اننا جدتها وخالها وكده خصوصا ان الشيخ عباس ما عندهوش غير مرات اخواته واكيد مش هيثقل عليهم كفايه عليهم عيالهم بعد ما فرح عاشت عندنا سنه واحده ده ايه تقوم هي كمان بالليل تصرخ وتصرخ زي امها وما تبقاش عايزه تنام وتخرج تقعد في الشارع وما ترضاش تدخل البيت ومش عايزه تقعد معنا ابدا وكل لما احد يكلمها تقول الست الشريره مش عايزاني ادخل البيت الست الشريره هتموتني شعرها منكوش وطويل عايزه تقتلني وفي يوم بالليل صحينا على صرخه فرح كلنا نزلنا نجري وندور عليها في البيت هي فين لقيناها واقفه تحت السلم وتتحركش وما فيش غير صوت الصراخ طالع منها جريت عليها علشان اشيلها واشوف مالها لقيتها كلها متخشبه في يدي وجسمها ناشف زي حته الخشب ما عرفتش في ايه اخذتها وجريت بها على الاوضه وفضلت اقرا عليها سوره البقره علشان تفك وفكت فعلا في ايدي وجريت بها على المستشفى الدكتور شاخصها وقتها انهيار عصبي حاد فاخذت علاج وحبينا نرجع بيها بس مع الاسف ما رضيش تدخل البيت اصلا فضل التصوت في الشارع وتقول انا عايزه بابا كلمت الشيخ عباس وقلت له على اللي حصل وجاء اخذها ورحنا بها على بيتهم هناك وكانت في انتظارنا مفاجاه اكبر كل ده انا كنت شايل فرح في ايدي لكن بمجرد ما نزلتها وقعت على الارض حاولت احركها اوقفها يمين شمال ما فيش اي فائده مش قادره تقف خالص فكرت ان هو من تاثير الانهيار العصبي نيمناها لحد ما خفت وشفت بس استمر معها الوضع انها ما تحركتش من مكانها ورجليها متخشبه ما بتقدرش تمشي رحت اخذتها ورحنا بها لدكتور قال انها حاله نفسيه من الخضه وانها لما تنسى او نفسيتها تتحسن حترجع ثاني تمشي زي زمان من وقتها حاولنا معها كل الطرق والدها اخذها وسافر بيها شهرين ورجع زي ما هي حالتها فضلت ساكنه عنده هناك وما قبلتش ترجع هنا ثاني من وقتها وانا حاسس ان الشيخ عباس بيحملنا اللوم عن اللي حصل في بنته وامراته في بيتنا هو عمره ما قالها بل**ن ولكن انا دائما حاسس بها وشايف نظره العتاب في عينيه بس كنا احنا هنعمل ايه احنا اكيد ما كناش نتمنى لاهلنا اللي بيحصل لهم ده لكن مع الاسف ما فيش حاجه بتحصل زي ما احنا بنتمنى وكمان بعدين اللي حصل لاخويا كان اغرب واغرب وده اللي خلانا نعزل من البيت كله ونسيبه لاني فكرنا انه خلاص بعد كل ده مستحيل نقدر نعيش فيه يوم واحد لان البيت ده اصلا ما يتعشي فيه العيشه فيه عباره عن دمار وموت بس مش اكثر فتري لنا نصيب بيتنا الكبير وننتقل منه