Pagsapit ng Lunes ay handang-handa na ako sa pagpasok sa Lopez Engineering Firm Foundation. Pero habang paalis pa lang ako sa bahay ay kabado na kaagad ako dahil iniisip ko ang posibilidad na sundan ako ng mga fans ni Brett doon at ang LEF naman ang guluhin nila at gawan ng kung anu-anong issue.
“You don't really need to work, Yumi. Bakit kasi hindi ka na lang maghintay na lumabas ang statement ni Justin? Sigurado na ‘yon kapag mga Mijares na ang kumilos…” naalala ko pa ang sinabi ni Kuya Ion kanina nang sabihin ko sa kanya na magtatrabaho muna ako. Ayaw niyang pumayag na magtrabaho pa ako sa iba habang naghihintay sa magiging result ng gagawing aksyon ni Justin.
Para sa akin ay hindi lang naman iyon ang dahilan. Ayaw kong tumunganga lang sa bahay dahil sobrang dami kong naiisip kapag wa
