Pagbalik ko sa Lao Fashion and Cosmetics ay tuwang-tuwa ang mga ka-team ko. Hindi matapos-tapos ang kwentuhan at hindi rin nila alam kung alin ang unang ipapakita sa akin.
“See that? You were all doing great even without me!” natatawang bulalas ko. Halos lahat ng marketing strategy na ginamit nila ay naging maganda ang kinalabasan. Ngayon ko tuloy mas naisip na kung hindi lang talaga sinabotahe ng mga fans ni Brett noon ang mga gawa namin ay tuloy-tuloy na siguro ang pag-angat ng LFC.
Anyway, tapos na ‘yon kaya hindi ko na dapat pang pinagtutuunan ng pansin. Ang mahalaga ay maayos na ang lahat at pwede ko nang gawin ang mga plano ko dito sa LFC. At syempre ay sa tulong iyon ng buong editorial team.
“Ay! Siya nga pala, Miss Yumi…” narinig kong tawag ni Maureen kaya napalingon kami sa kan
