Napalingon ako sa gawi ng pinto ng bigla itong bumukas. Ang tiyahin ni Rizza na siyang nag aalaga sa mag ina ko. Dala nito ang mga gamit na naiwan nila kagabi. Nagpaalam ito saglit na uuwi para kunin ang mga naiwang gamit ng mag ina ko.
"Ay naku! Maraming salamat talaga sa tulong mo ihjo! Pasensya ka na sa abala ha!" Nahihiyang sabi nito. napangiti naman ako sa kanya, napakabait talaga nito. Sa kabila ng hindi naman nito kamag anak si Vanny ay bukas palad pa rin niya itong tinanggap at inalagaan.
"No! Hindi po kayo abala! It's my pleasure to help!" Maagap na sagot ko, habang nakatingin sa mukha ng mahal ko.
"Ito, kumain ka muna! Bago ka umalis." Sabi nito habang inaayos ang pagkaing dala sa maliit na lamesa na naroon.
"Ayos lang po ako tita, kayo po ang kailangan kumain at magpahinga,
