Hair-raising, spine-chilling, blood-curdling, nerve-racking. Name it. Lahat 'yan naramdaman ko nang marinig ko ang boses niya. Parang bumabalik saakin ang takot na naramdaman ko noong una kong makarinig ng ganoong boses. Tinig na parang nasa ilalim ng lupa at handa kang hilain pababa ng nagmamay-ari nito. Halos napakapit ako sa manggas ng suot ni Priam Cloud nang magsimulang mangatog ang mga tuhod ko. Napansin iyon ng lalaki at himalang hindi ako pinigilan o sinimangutan sa aking tinuran.
"s**t!" 'yon ang narinig ko mula kay Priam na nagsimula nang gumalaw para sa pag-atake.
Halos sabay-sabay ding napaatras ang mga mercenary keepers pati si Nicali Sin. Si Miranda'y mabilis na tumakbo sa likuran ni Priam at doon kumapit sa binti ng lalaki na parang bumalik sa pagiging ordinaryong bata -
