MONDAY. Maaga ako nang isang oras bago ang flag ceremony nang dumating dito sa school dahil maaga ring pumunta ng bayan si Kuya Jom. Naupo ako rito sa stage sa quadrangle namin at ka-text ko si Saffi. Ang sabi niya papunta na rin siya rito sa school.
Ginala ko ang paningin sa paligid. Kaunti pa lamang ang mga estudyante na nandito ngayon. May nakaupo sa ilalim ng kahoy at nagbabasa. Iyong iba naman nakaupo lang at naghihintay ng mga darating na kaklase.
Tumayo ako at tinungo ang C.R. Nakaramdam kasi ako ng tawag ng kalikasan kaya iihi muna ako.
Pagdating ko roon ay pumasok ako sa isang cubicle. “Ay, ano ba ‘yan! Nasira,” bulong ko sa sarili nang buksan ko ang pinto. Bahagyang nakalas ang dahon ng pintuan mula sa pagkakakabit nito. Kailangan na siguro itong e-report sa maintenance par
