PAGDATING sa bahay ko ay agad akong bumaba mula sa motorsiklo ni Kuya Jom at agad akong pumasok ng bahay. Hindi ko na pinansin ang pagbati sa akin ni Zyl na nagkakainuman na naman sa rest house. Hindi ko nga alam bakit alak na naman ang kaulayaw ng mga ito. Balak siguro nilang sunugin ang mga baga nila.
“Oh, bakit ka nagmamadali?” tanong ni Lola.
“Kailangan ko pong maghanda ng gagamitin ko para sa overnight namin sa school, ‘La,” sagot ko pagkatapos kong magmano sa kaniya.
Simula kasi noong birthday ko ay nasa bahay na tumira si Lola para may makasama kami at may tao ang bahay kapag nasa school kami parehas ni JM.
“Akala ko uuwi ka rin pagkatapos?”
Natigil ako sa pagkuha ng gamit ko sa bag ko. Nasabi ko pala kay Lola na uuwi din ako pagkatapos at magpapasundo na lang ako kay Kuya
