KANINA pa ako hindi mapakali dito sa bahay. Birthday ngayon ni Ayla pero hindi ko alam kung ano ang ibibigay ko sa kaniya. Ang totoo niyan wala akong hinandang regalo.
Fuck! Kailangan ko bang magbigay? Gago, siyempre kaibigan mo 'yon!
Napakamot ako sa ulo ko. Ano ba ang gagawin ko?
“Kuya Zyl, bakit nakasimangot ka riyan?” tanong ni Sasha.
“'Lika nga bubwit,” sabi ko sa kapatid ko na siyam na taong gulang. Mas matanda ako sa kaniya ng sampung taon.
Mabilis siyang nagpakalong sa akin at pinulupot ang maliliit niyang braso sa leeg ko. Tatlo lang din kaming magkapatid. Akala nga ni Mama at Papa dati hindi na masusundan si Justin kaya laking pasasalamat ng mga magulang namin na nagkaroon kami ng karagdagan sa pamilya at babae pa. Gustung-gusto kasi ni Mama na magkaroon ng anak na baba
