"Iiyak ka na lang ba d'yan? Anong plano mo sa buhay?" tanong ni Miss Agatha sa akin nang abutan na naman ako nitong umiyak. Pagkatapos kong makuha ang urn ni papa ay agad na kaming umalis sa sementeryong iyon. Binayaran din namin ang matandang nagturo kung nasaan si papa. Para na rin sa pananahimik n'ya, ay dinoble pa namin ang bayad.
Yakap-yakap ko ang urn, kung saan inilagay ni mama ang abo ni papa.
Walang tigil sa paghihinagpis, dahil sa tagal na palang patay ng papa ko, ngayon ko lang siya maipagluluksa ng ganito.
"Miss Agatha, a-ano pang silbi ng buhay ko? Iyong papa kong tanging dahilan kung bakit kinaya ko ang hirap sa poder ng asawa't kapatid ko'y wala na. Iniwan na pala n'ya ako. . . matagal na. Hindi ko man lang siya naalagaan no'ng buhay pa siya. Hindi ko man lang nakuhang
