Meryenda ni Sheryl
PAUPONG umurong si Sheryl, nakaawang ang bibig, nandidilat ang mga mata at nanginginig.
Napahangos sa paglapit ang bagong dating.
''Sheryl, ano'ng ginagawa mo dyan? Batang ire, bakit diyan ka sumalampak?'' Tanong ni Sol na kanilang kasambahay sabay tingin sa paligid. ''Napaka ispoyld talaga ng batang ire. Kakalinis ko lang ng kwarto niya puro kalat na naman! Ano na naman kaya ang pinagmamarakulyo nire at ginusot pa ang higaan niya? Kuu, kapapalit ko pa lang ng sapin at mga punda kanina tapos heto at nakabalandra na naman dine sa lapag. Kung naging anak ko lang ang batang ire ay tinadtad ko ng kurot ang singet. Hindi porke onli chayld e katwiran na ang magustuha'y magustuhan. Nawala na nga ang problema ni Ate kay Kuya, ire naman ang pumalit. Habang lumalaki ay pasalbah
