"TUMAHIMIK nga kayo diyan," saway niya sa mga ito.
"Pare naman, hanggang ngayon ba maglilihim ka pa sa amin? Aminin mo na kasi,
may gusto ka kay Panyang." Ani Leo.
"Tigilan n'yo 'ko."
"Hay naku Papa Roy, ikaw rin. Baka sa kakaganyan mo. Sa iba mapunta si Little
Miss Green Eyes, magsisi ka pa." dagdag ni Olay.
"Wala akong gusto sa kanya," sabi niya.
"Dude, iyan din ang sabi ko noon kay Allie." Paalala ni Darrel.
"Ako na naman ang pinagti-tripan n'yo ha?" naiiritang wika niya sa mga ito.
"Ows? Kung talagang wala kang gusto sa kanya. Bakit ang sama ng tingin mo
kay Victor noong binigyan niya ng softdrink si Panyang pati noong hinatid niya siya."
Ani naman ni Humphrey.
Natahahimik siya. Bakit nga ba? Lately, Roy analyzed his feelings for her.
Ayaw man niyang aminin pero nami-m
