ENNA’S POV
Sandali lang ang itinagal ni Jeth kasama namin dahil makalipas lamang ang ilang araw ay nagpaalam na naman itong muli na bumalik sa Manila. Siguro ay halos wala pa ngang isang linggo pero kahit ganoon ay nabawasan naman kahit papaano ang aking pag-aalala na aking nararamdaman sa tuwing umaalis siya. Bago siya umalis, ay inaya niya akong muli na sumama sa kanya papuntang Maynila at ito na ang pangalawang pagkakataon na inalok niya ako.
Kung ako ang tatanungin, hati na ang aking desisyon. May parte na ng aking utak ang nagsasabing sumama ako sa kanya para araw-araw ko siyang magkasama. Kapag kasama na niya kami sa Manila, hindi na ako mag-aalala pa at higit sa lahat ay hindi ko na siya ma-mimiss pa dahil sa amin na siya uuwi at magkasama na kami sa iisang bubong. Subalit may pa
