ENNA’S POV
Pagdating ng Dela Paz ay naghanap na ako kaagad ng truck na aming magagamit sa paghahakot kinabukasan. Nang masiguradong naayos ko na ang dapat gawin ay kinuha ko na ang mga bata kay Aling Mameng at maayos akong nagpaalam dito. Umiyak pa nga sina Bugoy lalo na si Jana nang malamang lilipat na kami ng tirahan.
“Ma, bakit lilipat tayo ng tirahan? Hindi ba pwedeng dito na lang tayo tumira?” tanong sa akin Jana habang inaayos ang aming mga gamit. Maluha-luha pa rin ang mata nito at halatang malungkot sa aking naging desisyon.
Sa lugar na ito siya lumaki at nagkaisip.
Dito siya nagkaroon ng maraming kaibigan.
“Jana, hindi ba nasabi ko na sa inyo dati na hindi sa atin ang bahay na ito. Pagmamay-ari ito ni Ninong Janus mo at ngayon kailangan na ng may-ari. Hindi naman natin ari
