“Ano na naman ba ang problema niyo at andito na naman kayo?” napapantastikohang tanong ni Loui. “Wala na naman akong kikitain sa inyo!”
Kumuha ng ice cube si Bryan at natatawang ibinato ito kay Loui. Kasalukuyang nasa Demon’s sila ngayon, ang bar na pagmamay-ari ni Loui Salvatore. Hindi rin niya alam kung bakit nandirito sila ngayon. Basta tumawag na lang kasi kanina si Bryan na magkita sila sa bar ng kaibigan. Actually, tumawag ito sa kanyang asawa at ipinagpaalam siya nito.
Joyce was nine-month pregnant now at ayaw sana niya itong iwan na mag-isa dahil kabuwanan na ito ngunit nagpumilit itong siputin niya si Bryan dahil may problema raw ito. Ayaw naman niyang magdamdam ang kanyang asawa kung kaya’t umalis na lamang siya at nangakong saglit lang siyang makikipagkita sa kaibigan. Bago u
