"Last lap!" Sigaw ko habang pinagmamasdan ang mga pawis na pawis at hingal na hingal na mga kawal na nasa ilalim ng aking pamumuno sa kanilang pag-eensayo.
Isang linggo na rin ang nakalipas at nakita ko na malaki ang pinagbago nila sa liksi at lakas kumpara nang una ako mapadpad rito. Mukhang may napakinabangan ako mula sa pakikipag-sparring ko noon kay Gyro. Malaking tulong sa akin ang naging brutal na paraan ng kanyang pagsasanay.
Nang una ay hindi sila nakakasabay sa paraan ng aking pinapagawa ngunit habang tumatagal ay tila nakasanayan na nila at parang wala na lang ito sa kanila. Napahawak ako sa aking baba at buong pagmamalaki na pinagmasdan ang kinalabasan ng aking ginawa. Ngayon ay kailangan hatiin ko sila sa iba't ibang paraan sa pakikipaglaban. Hindi kasi lahat ng tao ay espe
