Laman sila ni Chester ng university newspaper ng school. Sa pagkapanalo nila ay mas nakilala pa sila ng ibang department at ka-schoolmates. Marami ang humanga sa kanya at kay Alex. Ngunit ang kasiyahan ng pagkapanalong iyon ay agad na napawi nang bumalik si Alex. Hindi na kasi ito gaya ng dati. Sa tuwina ay nauulinigan niya itong umiiyak sa kuwarto o kaya ay nahuhuling nakatulala.
Masakit mawalan ng magulang. At gaano man ang tampo ni Alex sa ama noon, alam niyang iba ang pagmamahal ng anak sa ama. Kaya ganoon na lamang kaapekto si Alex.
Nag-aalala siya ng labis. Maging si Chester ay hindi mapakali sa naging pagbabago ni Alex. Buti na lamang at laging naroon ang lalaki para alalayan ang kanilang kaibigan. Damayan. Dahil sa tingin niya, hindi pa siya sapat para mas pagaanin ang loob ng
