"Kaunti lang naman ang kukuhanin ko." mahinang bulong niya.
Balak na sana niyang mag-slice ng cake pero natigilan siya nang kumalabog sa ikalawang palapag. Dahil sa takot niya na maabutan siya nito ay hindi na niya nagawang kumuha ng cake at agad tumakbo palayo. Takbo lang siya nang takbo kahit pagod na pagod na siya hanggang sa marating niya ang tapat ng bahay niya.
"Ate Agnes, bakit ngayon kalang?" ang natatarantang mukha ni Buchukoy ang bumungad sa kanya.
"Pasensya na Buchu, ayaw akong paalisin ni Ginang Acosta eh."
"Huh? Paano ka nakauwi, Ate Agnes?"
"Pumuslit ako palabas."
"Ano? Paano kung saktan ka nila?!" bulalas na tanong nito.
Nagawa na nila, Buchu.
"Nasaan si Islaw?" pag-iiba niya.
"Ikinulong ko muna sa kwarto mo, Ate Agnes. Kanina pa nga nagwawala na parang bata eh, kan
