"J-joke lang naman iyong s-sinabi ko kay K-kuya Islaw, Ate Agnes." ani Buchu na kaagad namutla.
"J-joke? Ano iyong Joke, Buchu?"
"Ibig sabihin nun ay biro lang, Kuya Islaw."
"Biro? H-hindi totoo iyong sinabi mo tungkol dito?" inosenteng itinuro ng walang kamuang-muang na sireno ang sarili nitong umbok na harapan.
"Basta basketball iyon."
"Buchu, gusto mo ba talagang makurit kita sa singit mo?" humakbang siya palapit sa dalawa.
"Ayaw!" nagtititiling tumakbo paalis si Buchukoy na ikina-iling na lamang niya.
"B-bakit mo siya kukuritin sa singit, Agnes?" tanong naman ni Islaw na ikinalingon niya.
Puwede bang huwag sagutin ang tanong nito?
"Para madisiplina siya. Mali kasi iyong mga itinuturo niya sayo."
"D-disiplina? Hindi ba m-masakit ang kurit? H-hindi ba masama ang manakit?" may p
