"Noting, Ate Agnes."
"Noted iyon, Buchu." pagtatama niya.
"Ganoon narin iyon, Ate. Paalam."
Hinatid niya lang ito sa labas ng bahay niya at pinanuod itong maglakad palayo sa kaniya. Nagpakawala siya ng hininga nang hindi na niya nakita ang kumakaway na kamay ni Buchu, tuluyan na itong nakalayo sa kinatitirikan ng bahay niya. Habang nakamasid sa madilim na labas ay doon niya nadama ang matinding pagod dahil sa maghapon niyang sinamahan si Islaw sa Daycare Center para matuto ito.
Walang ano-ano'y napapitlag siya nang maramdaman na masyadong mabigat ang laman ng bulsa ng suot niyang palda, at doon niya naalala na itinago niya nga pala ang ilang perlas na iniyak ni Islaw kanina. Dali-dali niyang inilabas ang mga perlas upang i-check kung walang nabawas. Napahinga siya nang maluwag nang mak
