KINAUMAGAHAN nagising na lamang si Nikolai sa kaniyang higaan, pagkamulat niya ng kaniyang mga mata kisame ang unang bumungad sa kaniya. Hindi niya matandaan na nakatulog siya sa tabi ni Dermot. Pagdalaw ng bangungot sa binatang prinsipe ang tangi niyang naalala, kung paano niya hawakan ang mga kamay nito katulad ng ginagawa ng kaniyang ama.
Sa pagsagi ng tagpong iyon sa kaniyang isipan napabangon na lamang siya nang upo. Nilingon niya ang hinigaan ng Dermot para makita ito habang kinukusot ang kaniyang mga mata. Ngunit wala na ito roon kahit na ang hinigaan nito, bakanteng sahig na lamang ang naiwan. Naitatanong niya tuloy sa sarili na marahil panaginip lamang na naroon na natulog si Dermot. Maging ang pula na roba nito ay wala sa sabitan. Sa naisip niya hindi na siya nagtanong pa sa sa
