Jessa's POV
NAKANGITI niyang inabot ang box na binigay ng Mama niya. Naiiyak na nangingiti siya at hindi niya alam kung bakit. Nasa isang burol sila. Maraming damo at nasa ilalim sila ng isang puno.
"Pinautang ko ang Ninong mo."
Napalingon siya sa nagsalita, ang Papa niya na naglalagay ng mga plato at kubiyertos sa lamesa. Wala na siya sa burol, nasa kusina na siya ng bahay nila. Nilapitan niya ang Papa niya.
"Kailan raw magbabayad?" tanong niya dito sabay hanap sa box na ibinigay ng Mama niya sa kanya. Hindi niya makita ang box. Sumilip siya sa ilalim ng lamesa at ganoon na lang ang tili niya nang makita si Devon na lumuluha ng dugo at nakangisi sa kanya. Nasa ilalim ito ng lamesa at pilit inaabot ang paa niya.
Lalayo sana siya pero mabilis siya nitong nahila papasok sa ilalim ng
