Xyrius' POV
PAGKATAPOS siyang sipa-sipain ni Kristoff dahil sa ginawa niyang pang-aagaw ng eksena sa proposal nito kay Mina ay mabilis siyang tumakbo palabas at hinabol si Jessa.
Hindi niya alam kung ano ang pumasok sa isip niya at naisipan niyang bitbitin ang diamond necklace ng Mommy niya. Paburito nito iyon dahil iyon raw ang unang regalo ng Daddy Xavier niya rito. Lagi iyong suot ng Mommy niya noon. Ang sabi nito sa kanya ibigay niya raw iyon sa taong mamahalin niya.
Napangiti siya. Mahal niya si Jessa. Mahal na mahal. Kaya nang makita niya ang inggit sa mga mata nito habang pinanonood ang pagbibigyan ng mga ka-teammates niya ng roses kay Mina, naisipan niyang dito niya ialay ang rose na hawak niya.
Hindi niya lang basta binigay ang rose. Lumuhod pa siya sa harap nito. Balak niyan
