Jessa's POV
SA ISANG coffee shop na malapit sa University sila nagtungo ni Mina. Umorder muna sila ng pagkain pero hindi rin nila halos nagalaw.
"Paano kang naging..." tila atubiling anito.
Napangiti siya ng mapait. "w***e?"
Napakagat ito ng labi at bumadha ang lungkot sa maamong mukha nito.
"Nagkaroon ng utang si Papa kay Mr. Moretti, ten million. Nalaman ko rin na nakasangla pala ang bahay namin sa bangko. Walang gustong tumulong sa aming kamag-anak kahit yung mga natulungan ng Papa at Mama ko," umpisa niya.
Naaalala niya kung paano siya nagmukhang kawawa habang nakikiusap na pautangin siya. Naalala niya rin yung pagod na naranasan niya sa maghapong pagpapabalik-balik sa mga kamag-anak niya pero lagi siyang umuuwing luhaan.
Awang-awa siya sa sarili niya noon. Para siyang nam
