ALICE
"ALICE!" pinagbuksan ako ng pintuan ni Kuya Alvin. Takang-taka nang makita akong dala-dala ko ang bag ko.
Hindi ko ito pinansin. Pumasok ako nang tuluyan at padabog na umupo sa sofa.
Naiinis ako na parang gusto kong manapak kapag naiisip kong ipinatapon lang ni Kleinton ang pusa ko.
Nakatayo lang sa aking harapan si kuya Alvin nakapameywang na para bang iniisip niya kung bakit ako nandito.
"Anong nangyari at nandito ka? Nag-away kayo ng asawa mong bilyonaryo?" tanong nito habang hinihimas-himas ang baba.
Napanguso ako. "Hindi ko siya asawa, simula ngayon, ayaw ko na siyang makita." nagtatampo na sabi ko. Parang gusto kong kalbuhin ang lalaking 'yon.
"Ano naman ang nangyari at inis na inis ka diyan?" pangungulit ni kuya Alvin.
"Siguro nahuli mong may babae, ganyan naman
