No Choice
HABANG nilalapatan ni Violy ng pansamantalang lunas ang tinamong pinsala sa balikat at braso ni Lennie ay paroo't parine naman sa paglakad si Rennie sa kabilang bahagi ng sala. Patingin tingin pa ito sa gawi ng sofa kung saan nakaupo ang nakangiwing binata.
"Hindi pwedeng dito tumira ang ingratong ito. Ano na lang ang sasabihin ng mga tao, masyado na akong desperada sa lalake kaya kumuha na ako ng lalaking boarder? O kaya ay may ka live in na ako?! Oh, no!", bulong ng dalaga. Panay pa rin ang lakad nito at matamang nag iisip. Nakapamewang ang isang kamay at ang isa naman ay nakasapo sa sariling noong nakangunot.
"Hindi siya pwede dito! Hindi ako sanay na may naglisaw lisaw na lalaki sa loob ng bahay ko! Hindi ko alam na ang kumag na ito ang ipinalit ni Janine sa pag upa sa ka
