ZAVANA KALSEY SANDOVAL
__
"Mukhang malayo na ang narating ng isip mo."
Wala sa loob na bumaling ako rito nang marinig ko ang tinig niya.
Bahagya itong ngumiti sa akin. "Nand'yan ba si Mang Lucio?"
Kung hindi ito dumating ay baka magdamag na akong tumitig sa kawalan. Marami pa ring tumatakbo sa isip ko at hindi ko mapigilan iyon.
"He's not here... Kasama niyang humuli ng isda si Roro."
"Ah, ganu'n ba? Ibibigay ko lang sana sa kanya itong mga binhi. Baka gustuhin niyang magtanim ulit."
Tumayo ako mula sa pagkakaupo at marahang kinuha ang inabot nito.
"Ayos ka lang ba?" he asked.
Hindi ko iyon nagawang sagutin. Ganoon pa man, marahan pa rin akong tumango.
"K-kumusta na siya?"
Simple itong humugot ng malalim na hininga. "May malay na siya. May mga galos lang at hindi gaanong maiga
