FULL MOON 🌑❤️‍🔥 – Laila & Shah Luqman ki Kahani nfrat junon or adhoori Kahani🔥

FULL MOON 🌑🔥 — Part 13: Ishq-e-Laila

Purani cottage ki deewaron par mom-batti ki halki Roshni phal rahi thi, bahar jungle mein sannahata tha magar kamre ke andar jazbaat ka tufaan tha. Laila ne dheere se Luqman ki shirt ke button kholein taake uske kandhe par maujood gehre zakham ki marham patti kar sake. Uske kanpte huye naram hath jab Luqman ki tapti hui jild ko chhu rahe thay, toh Luqman ki saansein bhari hone lagi.

“Aapko zyada takleef ho rahi hai?” Laila ne ahista se pucha uski aankhon mein aansu chamak rahe thay. Luqman ne apna zakhmi hath utha kar Laila ka naram cheeks ko touch Kara!!🥹✨

Dard toh tab hota hai Laila jab tum mujh se door hoti ho. Ye zakham toh mere gunahon ka kafara hain," Luqman ne sargoshi ki, uski awaaz mein ek ajib si deewangi aur chahat thi. Usne Laila ki hath ko apne labon se laga liya aur boht der tak wahan apni saansein roke rakha, jaise wo Laila ki masoomiyat ko apne andar utaar lena chahta ho.

Laila ka dil zor zor se dharakne laga. Usne kabhi nahi socha tha ke Shah Luqman jaisa pathar dil insaan itni narm guftgu bhi kar sakta hai. Wo uske mazeed qareeb ho gayi, itni qareeb ke unki saansein ek dusre se takra rahi thi.

Maine hamesha aapko ek zalim shakhs samjha, magar aaj samajh aaya ke aap ne khud ko is nafrat ke peeche kyun chhupaya tha," Laila ne uski aankhon mein dekhte hue kaha.

Luqman ne Laila ki kamar par apna hath rkha aur usay apne seene se laga liya. "Kyunke main darta tha Laila... agar maine mohabbat ki, toh dushman tumhe mujh se cheen lenge. Magar tumne... tumne mujhe majboor kar diya ke main apne hi banaye hue qanoon tor doon". Usne dheere se Laila ke maathay ko chooma, ek aisa lamha jo yadgar bangya✨

window se 'Full Moon' ki chandni unke chehron par parh rahi thi. Laila ne Luqman ke dil par sar rakh diya. dharkan pehle se zyada tez aur saaf

thi...

Ab hum kahin nahi jayenge Shah Luqman. Aaj se aapki har dukh meri hai, aur meri har khushi aapki," Laila ne iqrar kiya...

Luqman ne uske balon mein apni ungliyan phairi aur usay mazeed apni panah mein bhar liya. "Aaj ke baad ye Shah Luqman sirf tumhara hai Laila. Is qatil ki rooh ab tumhare pas girwi hai". Raat guzar rahi thi, magar unke ishq ka suraj abhi tha. Unhon ne andheron se dosti kar li thi, kyunke unhe andheron mein hi ek dusre ki roshni mil gayi thi.

TO BE CONTINUED✨

FLW FOR MORE STAYY TUNNED

novel by brokenpetals.writes