-ANGELICA-
Nasa classroom kami ngayon at kasalukuyan naming pinapanood ang video play na ginawa namin. Kahapon ay pinasa na namin iyon para wala na kaming problema. Kami ang unang nagpasa kaya 'yong amin agad ang pinapanood sa klase.
Hindi pumasok ngayon si Jared. Ang sabi ng tita niya ay pinagpahinga muna nila dahil napagod daw masyado. Inapoy daw kasi ng lagnat noong madaling araw. Hindi ko pa nasasabi kay Mariza dahil late siyang pumasok. Nakasimangot nga noong pumasok sa classroom, dahil siguro akala niya ay masusundo siya ni Jared. Hindi ba siya nai-text ni Jared? Baka nakalimutan na rin.
Pagkalabas na pagkalabas ng teacher namin ay agad silang pumunta sa puwesto ko. Ano'ng meron? May meeting? Hindi ko yata alam 'yon.
"Nakakainis naman si Jared! Hindi man lang ako sinabihan na
