-JARED COLTON-
Isang linggo na simula ng umuwi ako rito sa America. Nagpaalam ako kay Mariza na magbabakasyon lang ako ng isang buwan at babalik din ako. Napatingin ako sa pinto ng kuwarto ko ng bumukas ito.
"Kanina pa ako kumakatok pero hindi ka naman sumasagot kaya pumasok na ako," nakakunot ang noong wika ni Dad. Bumangon ako sa pagkakahiga sa kama ko at hinarap ko siya.
"Pasensiya na po, Dad." Umupo siya sa kama ko at seryosong humarap sa akin.
"Let's talk," seryosong wika niya.
"Tungkol po saan, Dad?"
"Tungkol sa'yo. Isang linggo ka ng nagkukulong dito sa kuwarto mo simula noong bumalik ka. Nag-aalala na ako sa iyo."
"I'm sorry po."
"Pumayag ako na bumalik ka sa Pilipinas para maging maayos na ang kalagayan mo pero mukhang nagkamali yata ako ng des
