"Delivery for Ms. Arguilles!"
Napalingon kaming lahat nang narinig ang anunsyong iyon mula sa isang delivery man. Nangunot ang noo ko nang nakitang tatlo ang bitbit na bulaklak ng delivery man ngayon. Pero siyempre ayaw kong mag assume kaya inisip ko na lang na may ibang nagmamay-ari sa ibang bulaklak.
"Taraaay! Mukhang dumarami ang manliligaw natin, ah?" ani Joseph.
"Hindi naman akin 'yan!" natatawa agad na depensa ko habang inaabot sa akin ng delivery man ang mga bulaklak.
"Akin po 'to lahat?" Nanlalaki pa ang mga matang tanong ko.
Tumango siya at may pinirmahan sa akin na agad ko namang tinugunan. Alanganin ang naging ngiti ko habang pabalik sa aking upuan bitbit ang tatlong bouquet.
Ang isa ay galing kay Ronnie, ang isa'y sigurado akong galing naman kay Dwayne dahil iyon ang mada
