Ivelle Ruiz's Point Of View
Habang naglilibot kami ni Azrael sa iba’t ibang bahagi ng resort, hindi ko maiwasang mamangha sa ganda ng tanawin. Mula sa malalawak na buhangin, malinaw na dagat, hanggang sa mga eleganteng villas na tila isang eksena mula sa pelikula. Ngayon ko lang napagtanto kung bakit pinili nina Leone at Andrew na gawing resort ito—kahit malayo, sulit naman dahil sa nakabibighaning ganda ng lugar.
Naglakad pa kami nang kaunti hanggang bigla akong hinila ni Azrael sa isang makipot na daan, natatakpan ng malalaking bato at luntiang halaman.
"Ano ‘to?" takang tanong ko habang sinusundan siya. Hindi ko alam kung saan kami papunta, pero halata sa kanya na may plano siya.
Ngunit nang marating namin ang dulo ng daan, nanlaki ang mga mata ko sa nakita. Isang napakagandang tal
