“Ere na po, ma’am,” sabi ng doktor na magpapaanak sa akin ngayon. Nasa loob na ako ng delivery room, kung saan ilalabas ko na sa mundo ang tatlo kong supling. Halong kaba at tuwa ang nararamdaman ko, habang pinipilit kong maging matatag para sa kanila.
Huminga ako nang malalim, pinakiramdaman ang bawat kirot, at buong lakas akong umire. Sunod-sunod ang pag-ire ko, hanggang sa narinig ko ang unang iyak ng aking sanggol.
“Healthy baby boy ang panganay n’yo, ma’am! Lumabas siya noong December 31, 11:58 PM.” masayang sabi ng doktor habang marahang inilalapit sa akin ang aking munting anghel.
Napaluha ako sa sobrang saya, ngunit hindi pa doon nagtatapos ang aking laban. Huminga muli ako nang malalim. Muli kong naramdaman ang matinding sakit—palatandaan na may isa pa. Napasigaw ako habang mul
