Ngiting-ngiti si Nihan habang nakapikit, at yakap-yakap ang isang unan.
Pinilig na lang ni Finley ang ulo nang makitang hinahalik-halikan iyon ng dalaga. Mukhang nanaginip pa rin ito kahit tirik na ang araw.
Halos bumaliktad-baliktad ang nguso nito na nakatapat sa unan niya. Pailing-iling siya habang nakatakip ang bibig para hindi magising ito sa pagtawa niya.
Naging mariin ang pagkakasarado ng mga mata ni Nihan. Nagising na ang diwa niya, ang weird dahil masyadong malambot ang katawan ng binatang yakap niya.
Atsaka parang maliit, nakasampa kasi ang hita niya roon.
Nang imulat niya ang mga mata ay ka-muntikan pa siyang mapamura.
Ang pinaliliguan niya pala ng halik ay isang unan. Mabilis niyang tiningnan ang kaliwang bahagi ng kama.
Malinis na iyon, ibig-sabihin lang ay mag-isa na la
