EPILOGUE
Lifli Lucas
Inayos ko ang suot kong apron saka ako nagpatuloy sa paggawa ng three-layer black forest cake. May isang customer kasi na umorder nito at gusto niya na maging maganda ang presentation at lasa dahil para raw ito sa isang engagement party.
“Dati dagat ang pinagseselosan ko, ngayon cake naman. I wonder kung ano ang susunod na pagseselosan ko 7 years from now.”
Napangiti ako sa aking narinig. Pagkalagay ko ng kahuli-hulihang cherry sa cake ay hinarap ko na ang lalaking nasa aking likuran. Nakatayo siya habang nakasandal sa sink at nakangiti sa akin. Lumitaw na naman ang mapuputi at pantay-pantay na mga ngipin niya. Nasisilaw ako!
Lumapit ako sa kanya, tumayo naman siya nang maayos saka ako hinapit sa bewang. Hinalikan ko siya sa pisngi kaya lalo siyang ngumiti. Ina
