CHAPTER ELEVEN
Lifli Lucas
“Wala ka bang planong umamin kay Ice?” tanong sa akin ni Pao habang kumakain kami ng cupcake na ginawa ko.
Hindi ko siya pinansin at ipinagpatuloy lang ang pagkain. Hindi ko rin kasi alam kung ano ang isasagot.
It’s been three weeks mula no’ng natapos ang baking contest. Hindi na ako nagpapadala ng mga cupcake kay Ice at hindi na rin ako nagpapakita sa kanya sa school. Kapag nakita ko na magkakasalubong kami ay ako na mismo ang umiiwas. May mga pagkakataon na nagkakasama kami sa iisang table kapag kakain na ng lunch dahil naging kaibigan na rin namin ni Pao ang mga kaibigan niya pero hindi kami nag-uusap.
Minsan naman ay umaalis sila sa mesa namin dahil gusto ni Laila na magsolo sila. Ewan ko kung nagtatanga-tangahan lang ba si Ice pero halata naman na pa
