Flashback
Matapos ang pag-uusap ni Jeana at Dark sa may garden, at nakita pa nga nila doon sina Samantha ng hindi inaasahan ay dumiretso sila sa hotel room ni Dark.
Nakaupo si Dark sa mahabang couch habang si Jeana ay nakaupo sa pang isahan. Minamasdan lang niya ang reaction ni Dark, na hindi mawari kung matatawa o maaawa siya dito.
Alam niyang ayaw pa nitong magpakasal, pero dahil sa drama niya kanina, napapayag niya ito.
"Dark, ayaw mo pa bang magpakasal sa akin? Kasi sa nakikita ko sayo ngayon, parang napilitan ka lang na sumang-ayon sa sinasabi ko sayo kanina." Malungkot na sambit ni Jeana.
"Hindi naman sa ganoon sweetie. Pero may parte sa puso ko na naguguluhan. Hindi ko masabing nagtataksil ako, kasi wala naman talaga. Pero may isang parte ng buhay ko, na hindi ko maipaliwanag.
