Nasa bahay ko si Craig kaya maaga akong nagising dahil ayokong mauna siyang magising kaysa sa akin at baka kung saan-saan parye ng bahay ko pa siya magpunta. Mabuti na lamang at hindi ako mahilig mag-display ng mga gamit ko bilang assassin sa kahit saang sulok ng bahay ko kahit ako naman ang may-ari. Kahit ang aking mga karayom ay hindi ko rin basta inilalagay sa kung saan. Hindi ko naman kasi inihihiwalay sa katawan ko ang mga karayom ko at maging sa aking pagtulog ay nasa katawan ko pa rin. Mas mabuti na ang laging handa kaysa ang maunahan pa ako ng iba sa paggamit ng armas nila.
Maaga na nga akong nagising ngunit mas maaga pa ring nagisng sa akin si Craig. Nang lumabas ako mula sa aking kuwarto ay naabutan ko na siyang nakaupo sa couch habang inililibot niya ang kanyang mga paningin
