Pagdating ko sa bahay ko ay agad akong pumasok sa loob ng aking banyo at naligo. Kinuskos kong mabuti ang aking balat lalo na ang part kung saan ako hinawakan ni Baldo habang nasa loob kami ng kotse at papunta pa lang sa building ni Madrigal. Kinuskos kong mabuti ang balat ko na para bang may germs na nakakapit sa aking balat.
Pagkatapos kong maligo ng mahigit na isang oras ay agad kong isinuot ang aking bathrobe at humarap sa malaking salamin na nasa loob ng aking banyo. Napatitig ako sa mukha ko sa salamin at dumako ang mga mata ko sa aking mga labi. Naalala ko ang naganap sa amin ni Craig sa loob ng kuwarto sa building ni Madrigal. Iyon ang unang beses na ginantihan ko ang halik niya nang nalalaman niya. Ang naunang halik na namagitan sa amin ay hindi ko tinugon ang halik niya at lasin
