بعد مرور ثلاثة أيام
فى منزل عائلة أميرة
أميرة بفرحة وهى تحتضن صديقاتها ... انا مبسوطة اوى انى شفتكم واحشتونى يابنات
سماح... وانا كمان ياميرا واحشتينى اوى
همس... ميرا العسل رغم أنهم يومين بس كأنهم سنة والله
أميرة... انتم لوحدكم يابنات
سماح... بابا وماما هيوصلوا بليل انا جيت مع فارس وجنا
أميرة... وفين جنا؟
سماح... مع فارس بيشتروا حاجات
همس... وانا جيت مع هيثم بس هو راح فرع الشركة اللى هنا يشوف الوضع بالمرة لأن أدهم يعتبر اللى فى الفرع هنا اكتر منه
أميرة... عندك حق ادهم نص الاسبوع هنا والنص الثانى هناك طالع عينه مع أخوكى والله بيصعب عليا
همس... ادهم صاحب هيثم من وإحنا صغيرين ويعتبر اخوات عشان كده على طول مع بعض وحتى بيشتغل مع هيثم مش اخوه
رحمة من الخلف ... مش نتعرف بالحلوين يا اميرة
أميرة بابتسامة بسيطة... اه طبعا ، دى عروستنا يابنات وأختى الكبيرة رحمة وبالنسبة لي كمان
