المرة دى مختلفة كانت الأول بتغمض عينيها وتدارى واضحك عليها بكلمه حب ترجع لى....
لكن دلوقتى واقفه ثابتة عينيها في عينيا ودموعها رافضة تنزل وكأنها عارفه ورافضة تودعني...
قالت بصوت ضعيف بيقوى بذكريات الم وانين احنا انتهينا...
حاولت امنعها تقول بس عجزت لما حسيت بخنقه صوتها عرفت وقتها انى خسرتها بس رافضت اصدق قلت لها مستحيل اللي بيننا ما كانش قليل ....
جاوبتني بنبره كلها وجع وقالت حبنا كان وهم نسجته من خيالي وانا اللي بدفع ثمن اوهامى حبنا كان لك لحظة تعود وياريتك راعيت احساسي ...
انا هامشي ومش هقف ثاني انا هامشي وجرحك هاسيبه جوايا علامه عشان يقويني لما اضعف واحن لقلب عمره ما كان ليا وكان هزيمه لاحلامي.....
اتأملتها بملامح الصدمه لحد ما خيالها اختفى من امامى.... الكلام رافض يطلع قلبي في وجع غريب وكأني بموت بالبطيء صوت وجعها مش عايز يفارقني اتمنيت العمر يرجع وعوضها بس خلاص كل شيء انتهى"
كا
