Hindi naman na umimik si Steph. Tikom ang bibig na nagmasid ito sa matanda habang inaayos ang lugaw sa mesa. Hindi niya alam kung nakaninong bahay siya. Ang naaalala niya ay nagpassed out siya sa basurahan. Dahil na rin sa sakit ng paa niya at sa gutom.
"Kumain ka na para magkalakas ka. Samahan kitang umuwi sa inyo mamaya." bigla siyang natigilan sa sinabi ng matanda. Sigurado siyang umuusok na ang ilong ni Gino kahahanap sa kanya. At hindi siya makapapayag na masayang ang effort niya sa pagtakas.
"O-okay lang ho ako. K-kahit hindi niyo na ho ako ihatid sa bahay. Kaya ko na ho." tanggi niya sa alok ng matanda. Tumango lang ito.
"Mauna na muna ako sa'yo at may trabaho pa ako. Baka hinahanap na ako ng amo ko." paalam nito. Nang tumango siya ay umalis na ito. Naisip niya na kung hinahanap
