Bumalik na rin si Greg sa Maynila. Hindi niya alam kung kailan magiging normal ang buhay niya na wala si Steph ngunit kailangan niyang magpatuloy sa buhay. Pangako niya kay Steph na mamahalin niya si Earl bilang isang tunay na anak. Eksaktong nasa biyahe siya nang tumawag ang kanyang ina.
"Greg, si Lauro..." agad siyang naghanap ng mahihintuan ng sasakyan. Nabigla siya sa balitang hatid ng kanyang ina. Ibinalita ito ng kanilang kasambahay sa kanyang ina habang nasa states ang mga ito at solo naman si Lauro sa mansion ng kanyang ina.
"Ano'ng nangyari, Mom?" agad na tanong niya nang sabihin nitong wala na si Lauro.
"Naaksidente siya kasama ni Stella..." namilog ang mga mata niya sa pagkagulat. Hindi niya alam na nagkikita pa pala sina Stella at Lauro. Nagmamadaling magtungo si Greg sa ban
