♡︎البارت الثاني♡︎
1397 Words
"سكت وملامحه اتغيرت"
بسمة: احم في اي
مالك: مفيش
" حسيت أن الكلمه ضايقته فحبيت اغير الموضوع "
بسمة: صاحي ليه لحد دلوقتي؟
مالك: جعان
بسمة: طب أخرج انت وانا هحضر الاكل
" خرج من المطبخ وانا حطيت ايدي علي قلبي اللي كانت دقاته عاليه وشي سخن جامد هو مين سمحله يقرب مني لا ويقولي شعرك حلو دا اي الجوازة اللي مش بينلها ملامح دي ...جهزت الاكل وطلعت حطيت الاكل علي السفرة "
مالك: اكليني
بسمة: افندم!!!!!
مالك: بقولك اكليني
بسمة: متأكل نفسك
" رفع أيده اليمين واللي الجرح كان فيها وقال"
مالك: ايدي مجروحه مش هقدر اكل بيها
بسمة: مَـ تاكل بالتانيه
مالك: هاكل بأيدي الشمال يـَ مؤمنه انتِ ملتك اي انتِ .... وبعدين مش اللي أنا فيه دا بسببك يبجي.....
بسمة: بس بس خلاص هأكلك
" قعدت اكله طول الوقت الإنسان اللي مش محترم دا كان قاعد مبتسم حقهُ ما أنا اللي جبته لنفسي "
مالك: اقعدي أنا هشيل الأكل
بسمة: اي!!!!!!
مالك: اي ..اي مبلمه كده ليه
بسمة: مستغربه
مالك: من اي
بسمة: متوقعتش انك هتساعدني
مالك: الجواز مشاركه وبعدين انا مش متجوزك عشان تخدميني
" قام شال الاكل ورفض حتى اني اساعده كنت متبعاه بَ عيني مكنتش أتوقع أن في حد بيفكر بالطريقه دي ...كل واحد فينا دخل اوضه نمت علي السرير عيني علي السقف عقلي شغال تفكير بين يوم وليله بقيت متجوزه وعلي ذمة راجل مشوفتوش قبل كدا بتعرف عليه لاول مره بس في احساس كويس جوايا من ناحيته يمكن هو فعلا مش وحش زي ما صفية قالت ...بعد فترة من التفكير و جلد الذات نمت "
~~~~~~~~~~~~~~~~~~~~~~~~~~~~~~~~~
صباحاً
" كنت نايمة في سبات عميق لحد ما سمعت صوت الباب بيخبط لا دا مش بيبخط دا بيتهد مين عديم الكرامة اللي بيخبط بالطريقه دي قومت من علي السرير ب عين واحده مفتوحه والتانيه لسه نايمة"
بسمة: مين
مالك: مين اي يـَ بنتي هو انتِ مأجره اوضه في فندق هو في غيري وغيرك في البيت افتحي
" اخدت دقيقه لحد ما استوعبت أنا فين ومع مين وفتحت الباب"
بسمة: صباح الخير..... في اي بتخبط كدا ليه
"مالك بص علي شكل شعرها اللي كان منعكش علي وشها وقعد يضحك "
بسمة:اي بتضحك علي اي
مالك: هههه روحي شوفي نفسك في المرايه هتعرفي ليه....أنا بس كنت جاي اصحيكي عشان الفطار جهز
بسمة: صفيه جت
مالك: لا
بسمة: اومال مين اللي جهز الفطار
مالك: أنا
بسمة: تم...اي
مالك: لا مش وقتك يلا عشان جعان ومش بحب اكل لوحدي
"روحت غيرت هدومي وصليت فروضي وخرجت لقيته قاعد علي السفره وماسك تليفونه"
بسمة: معلش اتاخرت
قال وهو لسه عينه في التليفون: مش مشكلة
"بدأت اكل بصيت عليه لقيته بيحاول يأكل بس أيده مش مسعداه"
بسمة: احم ا..اكلك أنا
"بصلي وفضل ساكت قربت الكرسي بتاعي من كرسيه واكلته وبعد شويه خلصنا الاكل وغسلت الاطباق كلها سمعت صوته بينادي عليا من الأوضه "
مالك: بسمة
بسمة: نعم
مالك: تعالي
" قربت من الأوضه الباب مكنش مقفول اوي خبط علي الباب دخلت بعد ما سمحلي ... الأوضة كان شكلها جميل اوي كلها ريحته"
بسمة:نعم
مالك: ساعديني مش عارف اقفل زراير القميص
"فضلت واقفه في مكاني لحظه بحاول استوعب اللي قاله فوقت لما شاور بإيده قدام وشي اتحركت ببطئ نحيته دقات قلبي بتزيد وشي سخن قفلت زاير القميص وانا بحاول بقدر الإمكان أتجنب نظراته ليا "
بسمة: خ..خلصت
مالك: شكراً
"قرب من وداني وقال"
: ابقي اتحكمي في الطماطم اللي بتظهر في خدودك
بسمة: ها...
مالك: ها اي بس دا انتِ في عالم تاني
بسمة: انت....انت رايح فين
مالك: هروح الشركه في مشكله بسيطه في الورق هخلص وارجع بسرعه
"سكت وحطيت وشي في الأرض"
مالك: مالك
بسمة: مبحبش اقعد لوحدي
مالك: ليه
بسمة: بخاف
مالك: هتصل بَ صفيه تجيلك
" قال اخر جملة وخرج عدت نص ساعه وسمعت صوت الباب بيخبط وكانت صفيه اخدتها بالحضن "
بسمة: وحشتيني اوي يـَ صفيه
صفيه: وأنتِ كمان والله .... جوليلي عامله اي مع سي مالك
بسمة: هكون عامله اي يعني يـَ صفيه ولا حاجه كل واحد فينا بينام في اوضه
صفيه: أي؟
بسمة:اي اي انتِ كنتي متوقعه اي يعني
صفيه: يـَ ست بسمة سي مالك والله كويس وطيب وابن حلال جربي ادي فرصه
بسمة: يـَ صفيه الموضوع مش سهل إنا واحده في يوم وليله لقيت نفس متجوزه من راجل معرفهوش ولا عمري شوفته قبل كدا عايزاني اتصرف ازاي ...قفلي علي الموضوع بالله عليكي
" الموضوع مش سهل ولا هاين الموضوع صعب منكرش أني مرتحاله وأنه طيب وان اتفهمني ومغصبش عليا في اي حاجه بس بردو كل دا مش كفايه "
في المساء
"كنت واقفه بحضر الاكل سمعت صوت الباب بيتفتح عرفت أنه مالك حطيت الاكل علي السفره وقعدت استنيته يجي بس اتاخر كنت مترددة اقوم ولا اسيبه وفي الاخر قررت اني هقوم خبطت علي باب الأوضة "
مالك: ادخلي
بسمة: أنا بس ...انت اتاخرت والأكل هيبرد
مالك قال بتعب مصطنع: مش عارف اعمل حاجه من ايدي
بسمة: طب ...انت عايز تعمل اي
مالك ابتسم وقال: عايز اغير القميص دا والبس التيشيرت دا
"قربت منه بتوتر وفكيت زراير القميص نظراته ليا كانت موتراني وبعد ما خلصت ولبسته التيشيرت طلعت من الأوضة بتاعته دخلت اوضتي حطيت ايدي علي قلبي اللي كان بيدق جامد بعد ثواني ضربات قلبي اتظبطت ونفسي هدي ...صوته جيه من برا "
مالك: بسمة اخرجي هتفضلي حابسه نفسك جوا كتير ...يلا عشان جعان وريحه الاكل جميلة وزي ما انتِ عارفه مش هعرف اكل بِ ايدي
قولت في سري: الله يخربيت اليوم اللي اتهورت فيه ومسكت السكينه مش كنت طيرت دماغك افضل من الذل دا
"ظبطت نفسي وخرجت روحت قعدت جنبة ولسه هأكلة"
مالك: استني في موضوع الاول عايز اتكلم معاكي فيه
بسمة: خير
مالك: انتِ في اخر سنه طب مظبوط؟
بسمة: مظبوط
مالك: طيب انا عايز اقولك اني هسمحلك تكملي دراستك ومش همنعك من انك تحققي حلمك
وقفت من الفرحه وقولت: والله قول والله كدا
مالك: والله بس الاهم من كل دا اوعي تعملي اي غلطه توطي راسي بيها أو تندميني اني عملت كدا
بسمة: حاضر حاضر معلوم
مالك ابتسم علي شكلها وقال : طب اي مش هاكل ولا أي
" المره دي أكلته وانا قلبي راضي عنه زوجي وقره عيني ازاي مساعدوش "
~~~~~~~~~~~~~~~~~~~~~~~~~~~~~~~~~~~
☆عدى اسبوع علي جواز ابطالنا بسمة كانت سعيدة جدا برجوعها لجامعتها مالك كان دائما بيساعدها لو في حاجه هي مش فاهمة بحكم أنا درس طب برا طول الاسبوع مالك استغل كل فرصه يتحجج فيها بايده عشان بسمة تساعده ويحرجها برغم أنه قادر يعمل اي حاجه هو عايزها بس هو بيبقا مبسوط لما خدودها بتحمر قدامه ☆
" الباب كان بيخبط روحت افتح"
بسمة: حماتي اتفضلي نورتي
"عدت من جنبي ولا كأني اتكلمت خدت نفس طويل وبعدين ابتسمت وقفلت ودخلت وراها"
مالك: نورتي بيت ابنك يـَ أمي
- منور بصحابه يـَ ولدي .... متعمليلي فنجان قهوة يـَ مرات ابني
بسمة: حاضر
" دخلت المطبخ وفضلت واقفه محتاسه مش عارفه اعمل حاجه دقيقه عدت دقيقتين تلاته ...ربع ساعه لقيت مالك داخل المطبخ"
مالك: اي يـَ بسمة مالك واقفه محتاسه كدا ليه و فين القهوة ؟
بسمة: ما ...هو انا....بصراحه مش بعرف اعمل قهوة
مالك: بس كدا طب مقولتيش ليه من الاول هو دا اللي مخليكي محتاسه كدا خلاص هعملها أنا
بسمة: بجد ... يعني مش هتزعق ولا هتسخر مني
مالك: لا مش هزعق ولا هسخر عادي بتحصل أنا هبقي اعلمك تعمليها ازاي
بسمة: طب لو علمتني مع ذالك معرفتش اعملها هتزعق
مالك: لا ساعتها هبقي اعملها أنا أو تبقي صفيه تعملها ...مش كل حاجه بتتحل بالزعيق ولا بالعنف أنا لازم احببك في الحاجه عشان لما تعمليها ...تعمليها بحب مش غصب
بسمة: صفيه؟؟؟
مالك ضحك وقال : أنتِ سبتي الكلام كله و مسكتي في دي ...عمتا يـَ ستي اه صفيه هتيجي عشان تشتغل هنا وتساعدك في شغل البيت متنسيش انك هيبقي عندك جامعه وامتحانات لازم تركزي كويس فيهم
" سكت و اكتفيت بابتسامة وقف جنبي يعمل القهوة وانا سرحت في ملامحه هو ازاي جميل كدا برغم أنه ملامحه حادة شويه الا أنه جميل بشكل يأسر القلب دقنه خفيفه وحلوة ...عيونه العسلي جميلة بشكل يخليك عايز تفضل تبصلهم هما ازاي حلوين كدا "
مالك: وارثهم من جدي
بسمة: هما اي دول
مالك ضحك وقال : عيوني حلوين لجدي يلا يـَ طماطميه عشان نطلع
" اخد فنجان القهوة وخرج بحاول استوعب اللي قاله هي الدنيا حررت كدا ليه "
- تسلم ايدك علي القهوة يـَ ولدي اي يـَ بنت جابر مش عارفه تعملي فنجان قهوة امك المرحومه معلمتكيش ولا ايه
" عيني دمعت لمجرد ذكر سيرة امي بالطريقه دي وكنت لسه هتكلم لكن مالك قاطعني "
مالك: والدتها الله يرحمها معلمتهاش عشان كانت بتعلمها حاجه اهم من كل دا يـَ امي علمتها أنها تسعي وراه حلمها وتحققه ودا اللي هي بتعمله دلوقتي اما بنسبه للقهوة أنا هبقي اعلمها تعملها ازاي لكن دلوقتي اهم حاجه دراستها وانها تحقق حلمها زي ما والدتها قالتلها
- ااااي دراستها ....هي بتتعلم !!!!!!!
يتبع....
- بسملة محمود
- Writer
